علق شريف إكرامى حارس مرمى نادى بيراميدز على المشهد العبثى للكرة المصرية، فى ظل فضائح مجاملة نادى واحد على حساب باقى الاندية.
نادى 60% من بطولاته بالتحكيم والمجاملات، كما هو معروف، حرص شريف إكرامى التعليق على المشهد الصعب الذي نعيشه.
وعبر صفحته الشخصية على موقع التواصل الاجتماعى إكس كتب شريف إكرامى قائلاً :
اللي بيحصل حاليًا هو قمة الفوضى والعبث..
بغض النظر عن المستفيد أو المتضرر، فدخول الحسابات أياً كانت في صناعة القرار أو في تطبيق اللوائح هو مهزلة بتدمّر حاضر الكُرة ومستقبلها..
الطرف اللي مستفيد النهارده، غالبًا هيكون متضرر بكرة، لأن تفصيل اللوائح بالشكل الصارخ ده هيشكك في كل شيء و هيطرح تساؤلات كبيرة وهيزود الاحتقان والتعصب والكراهية..
وبالمناسبة، الدفاع الأعمى، وتجاهل الأخطاء وتبريرها، وتغليب المصالح على العدل مش دليل على الولاء ولا الإخلاص، بالعكس ده ضرر جسيم..
الأَولى إنك تكون صادق و ما تجاملش على حساب العدل او الحق ، وتواجه بدل ما تبرر..
وأخيرًا، المواقف في الكوره ما هي إلا انعكاس لمعدن الناس وأخلاقهم ، ومبادئهم و طريقة تفكيرهم في الحياة عمومًا..
وفي النهاية، لو كلمة الحق والكلام العاقل بقى بيزعّل أو بيتفهم كراهية.. تبقى المشكلة مش في الكلام.
