علق أو فسر أو عدل أو صحح أو أوضح محمد الدماطي عضو مجلس إدارة الأهلي تصريحه السابق بخصوص مجاملة اتحاد الكرة لـ الزمالك للحصول على دورى موسم 2021.
محمد الدماطي الذى خرج بتصريح عجيب وغريب بشأن تتويج الزمالك ببطولة الدوري المصري الممتاز عام 2021، حيث قال أن هناك مجاملات لصالح الزمالك.
ويبدو أننا فى أخر الزمان لدرجة ان الاهلى بيقول إن الزمالك بيتم مجاملته بالتحكيم للفوز بالبطولات، وتناسي الجميع عن عمد أن 60% من بطولات الاهلى بالتحكيم وبـ المجاملات.. وعجبت لك يا زمن، خرج بتوضيح لهذا الأمر، حيث كتب ..
وعبر صفحته الشخصية على موقع التواصل الاجتماعى فيس بوك كتب محمد الدماطى قائلاً :
كلمتين عشان القيل و القال الكتير و عشان أنا مش بحب جو التقطيع و سوء النية
أنا قولت في حديثي اللي متقالش من زمان في علاقة الاهلي بالزمالك ، و قولت ان مفيش حاجة اسمها عداوة و دة جو خيالي ، و طول ما في كشافات بتترفع في الدقيقة ٢٠ من جمهور الاهلي و الدقيقة ٧٤ من جمهور الزمالك يبقي مفيش حاجة اسمها عداوة.
وقولت ان لو حشجع ضد الزمالك في ماتش لكن لو عندي اختيار احب دايما الزمالك يبقي موجود ، وكل بيت و شركة و مدرسة عبارة عن جمهور اهلي و زمالك ، حتي دوري ٢٠٢١ قولت ان لو الاهلي كان مكان الزمالك وقتها كان حصل نفس الموضوع
و أنا بكتب الكلام دة لا عشان شكاوي ولا غيرة عشان مش دي مشكلتي لكن محبش اني ابقي مثار جدل او تعصب
