واصل محمد الدماطي عضو مجلس ادارة النادى الاهلى تعليقه وتوضيحه، على تصريحه السابق الذي قال فيه ان الزمالك تمت مجاملته للحصول على دورى 2021.
وعبر صفحته الشخصية على موقع التواصل الاجتماعى فيس بوك كتب محمد الدماطى قائلاً :
بعد أسبوع كامل من اذاعة البودكاست ، مكنتش حقيقي متخيل حجم التأثير دة خالص
الحوار تم بعد ازمة المباراة مباشرة و قبل ما ناخد قرار ان محدش يتكلم عن الموضوع من ادارة النادي
سعيد جدا بردود أفعال جمهور الاهلي و بشكرهم جدا علي الدعم ، واتمنى اني اكون اتوفقت في شرح الموضوع بهدوء
متضايق من كم الكلام اللي اتاخد مقتطع عشان نخلق عنواين تجيب مشاهدات مش فاهم الحكمة من دة اية
جمهور الزمالك زعل من كلام أنا قولتة و دة متوقع ، لكن محدش خد بالة اد أية أنا حاولت اقول ان مفيش كورة في مصر من غير اهلي و زمالك ، و ان الزمالك عاني من أزمات ادارية الجمهور ملوش ذنب فيها ، و ان جمهور الزمالك في الاخر دول من أصحابنا و عائلاتنا فمن رابع المستحيلات يبقي في عداوة أبدا ، هي في الاخر كورة و رياضة و شكرا
و كل سنة و انتم طيبين
