علق الاعلامى عمرو أديب على أزمة تجديد عقد أحمد سيد زيزو مع الزمالك، وهو الملف الذي يشغل بال الجماهير الان.
الملف الممل والسخيف الان، الذى نعيشه منذ أكثر من عام، تحدث عمرو أديب عبر برنامجة التلفزيوني عن اخر المستجدات، وعن المشهد بصفة عامة.
عمرو أديب أكد أنه وصلت رسالة بأن زيزو ووالده بيحبوا الزمالك ويريدون أن يستكمل اللاعب مسيرته في الزمالك، وأنا أعلم ما أقول جيداً.
جمهور الاهلي بيسأل انتم ليه ماسكين فى زيزو أوى كدا، طب انا عايزه اسال سؤال، ليه الاهلى ميت على زيزو؟ على الاقل دا اللاعب بتاعنا، انت ليه كـ أهلى بتلف على زيزو.
انا اللى أسألك مش انت اللى تسألنى، ومحدش يقولى الاهلى بأبنائه دي تاني، ياريت منسمعهاش، انا مش شايف ابناء الاهلى خالص.
محدش يقولى جملة وعبارة انت ليه متمسك بـ زيزو، دا الزمالك اللى عمله، وانا لازم أتمسك بيه، وانا مش عايز الموضوع يتحول لحرب، لاعب هنا يروح هنا ولاعب هناك يجي هنا، لان محدش من هناك بيجى هنا، يااخى عيش وسيبنى اعيش، هتعمل ايه بـ اللاعيبة دى كلها.
وأتم : بقول لزيزو متروحش الأهلي عشان تبقى واحد من الناس ، خليك فى الزمالك عشان تبقى سيد الناس.
