علق المستشار محمد عطية عضو اللجنة السابقة التى كانت تدير نادى الزمالك على خسارة الزمالك منذ قليل من فريق ستيلينبوش الجنوب افريقي ضمن منافسات بطولة الكونفدرالية الافريقية.
الزمالك ودع بطولة الكونفدرالية الافريقية بعد الخسارة من ستيلينبوش الجنوب افريقي بهدف دون رد فى المباراة التى انتهت منذ قليل على ملعب استاد القاهرة.
وعبر صفحته الشخصية على موقع التواصل الاجتماعى إكس كتب المستشار محمد عطية قائلاً :
مستوعب ان فى ناس شغلتهم لجان وبيطلعوا مصالح من النادى وبرروا واشتغلوا اساءة للجمهور الحقيقى وقادر أفهم إن ده أكد عيشهم .. لكن ناس الواحد كان فاكرهم زملكاوية وناس متأكد إنهم زملكاوية ساعدوا اللجان دى ووقفوا معاهم وبرر الفشل اللى من أول يوم وشاركوا فيه وبيحاولوا انهاردة يغسلوا ايدهم .. للأسف انتم أسوء من اللجان نفسها يا شلة الواتس أب
أفشل منكم لم تر قط عينى .. وأسوء منكم لم تلد النساء
مجلس فاشل بيديره رئيس سابق أفشل وبيخطط له أفشل شخص فى تاريخ النادى هم ولجانهم طمسوا هوية النادى والمشجع ربنا ينتقم منكم
أتمنى يكون المجلس اللى بالوكالة ورئيسه الفعلى الفاشل والعضو مسئول اللجان ولجانه الحقيره ذكوراً واناثاً والمُبرراتية والاعب الوضيع وابوه مبسوطين .. خربتوا النادى ودمرتوه بفشلكم ولجانكم وفشلكم .. حسبى الله ونعم الوكيل فيكم يا أفشل أهل الأرض
