خرج أيمن يونس لاعب الزمالك السابق، بتصريحات عن المشهد العام فى نادى الزمالك، فى ظل كل ما يحدث من مشاهد.
فى البداية أكد أيمن يونس ان نادى الزمالك نادى كبير وهو من خلال تصريحاته يقدم دعوة لـ لم الشمل بين رؤساء الزمالك السابقين، للجلوس على طاولة للتصالح.
واستكمل : هتواصل السبت والاحد، مع حسين لبيب ومرتضى منصور وممدوح عباس وكمال درويش، مع حفظ الألقاب عشان نقعد مع بعض.
هتكون الاستضافة عندى فى البيت، ولازم الكل يتجمع ونتكلم علشان مصلحة الزمالك، إحنا فى مرحلة خطر والنادي بـ يتم تفريغه من نجومه.
لازم الـ 4 دول يتجمعوا ويبقوا ايد واحدة، ولو دا محصلش هيفضل الزمالك فى مشاكل، لان لجانهم مبهدلة نادي الزمالك ومشاكلهم تاعبة ومقسمة النادى.
لازم المشاكل تتحل جوا البيت، قائلاً لهم .. أعيدوا احترامكم من داخل الزمالك، ومن يرفض منهم سيظهر أمام الجميع أنه يريد مصلحته فقط.
