انتهت قصة زيزو مع الزمالك ووقع اللاعب على عقود انتقاله للنادى الأهلى بداية من الموسم القادم.
اللاعب الذى انتقل لـ الأهلى، بدون مبرر، وسيبكم من الكلام اللى ملوش لازمة بتاع الكرامة وتسريب جلسات التفاوض، دا كله كلام والده اللى كان عايز يودية الأهلى بأى شكل، من زمان مع الاعتراف بان هناك تقصير إداري لدينا بالطبع.
الحديث الآن عن أزمات منتظرة بين اللاعب والزمالك، بالبلدي هو مش عايز يجى التمرين، والزمالك عايزه يجي نقدر نقول من باب المكايدة، ودا حقنا طبعاً لان اللاعب لحد دلوقتى لاعب فى الزمالك.
الزمالك اليوم يقترح محاولة الوصول الى صيغة اتفاق بين الزمالك ووالد اللاعب لفسخ العقد الان بين الطرفين، حيث يتبقى لى الموسم شهرين، واحنا مش هنستفاد باللاعب.
بشرط الوصول الى صيغة مالية كى يتنازل اللاعب عن جزء كبير من مستحقاته لدينا، وليذهب الى حال سبيله بعد ذلك.
لن أقول للطرفين بحق الذكريات الجميلة بيننا لان هذا الحديث لن يفيد الآن، ولكن لدرء المشاكل للطرفين، لان فى كل الاحوال الزمالك هيدفع مبالغ من المستحقات دى، حتى لو تم تغريم اللاعب لغيابه عن المران.
أخيراً هذا مجرد اقتراح ولو كنت مسئول لبدأت فى اتخاذ هذا الإجراء، وإنهاء الأمر، بشرط مش هطلع خسران من القة دى كمان.
