وجه المذيع سيف زاهر رسالة إلى جمهور نادي الزمالك بعد رحيل اللاعب أحمد سيد زيزو لاعب الفريق الى النادى الاهلى.
اللاعب الذى سيرحل بعد نهاية عقده مع الفريق، حرص سيف زاهر على توجيه رسالة إلى جمهور الزمالك عبر برنامجه التلفزيونى ، حيث قال ..
حابب أقول لجمهور الزمالك، مبقاش فى حاجة اسمها انتماء أو ولاء، دلوقتي كل حاجة بقت احتراف، وكل الكلام عن حب القميص والانتماء للنادي دا كلام برامج، والحقيقة إن مفيش لاعب بيتمسك بنادى لو فيه عرض أكبر وصل له.
واستكمل : النجم الحقيقة هو الجمهور، لكن اللاعب هدفه الأول والأخير تأمين مستقبله، وده من حقه، والنادي اللي هيدفع أكتر هو اللي هيروح له، وده اسمه احتراف.
بالطبع هناك نوعية أخرى من اللاعبين بتحترم الجمهور وبتفكر في مشاعر الناس، وده اللي ممكن تحطه في مكانة الاسطورة بعد ما يعتزل كرة القدم.
كل مرة لاعب يمشى من الزمالك الجمهور هو اللى بيزعل، عشان كدا لازم نقفل باب العاطفة، ونحب النادى مش الأشخاص.
وأتم : لجنة التخطيط في الزمالك، استلمت المهمة في توقيت صعب، وكان عندهم أمل كبير في استمرار زيزو، وهما تعاملوا معاه بعاطفة، لكن واضح إن اللاعب مكانش واضح معاهم.
