علق طارق يحيى لاعب الزمالك الأسبق، على أزمة أحمد سيد زيزو لاعب الفريق حتى الآن، ولاعب الأهلى المنتظر.
اللاعب الذي يسعى لكسب عداوة جمهور الزمالك، حيث غاب عن مران الزمالك لمدة 25 يوم، ويرفض الذهاب للتحقيق معه، وعاد فقط منذ 3 أيام ليعلق طارق يحيى على هذا المشهد.
وفي تصريحات تلفزيونية له قال : نزول زيزو التدريب، بعد ايه .. ما كان من بدري، معرباً عن استنكاره لما حدث.
وسال سؤال لـ زيزو : هل يصح يا زيزو أن تشتكي نادى الزمالك بسبب مستحقات.. أى مستحقات التى تجعلك تشتكي الزمالك الذى صنع اسمك، دا احنا لينا فلوس لحد دلوقتى من ساعة ما كنا بنلعب.
واستطرد فى تصريحاته : كان لازم يا زيزو تكون صريح مع الجميع من البداية، وكان لازم تحترم جمهور الزمالك أكثر من كدا، وتقول انا ماشى، ايه المشكلة لو عملت كدا.
ايه المشكلة لما تكلم أحمد سليمان أو ميدو أو حسين السيد وتقول عايز مستحقاتى، لكن انت عمال تماطل وتقول ممضتش فى أى حتة، وعايز أجدد مع الزمالك وانت مخلص مع الأهلى.
حازم إمام طلع وقال ان اللاعب لم يوقع للاهلى وفى النهاية نتفاجئ أنه في السفاره الامريكيه علشان يطلع تأشيرة أمريكا.
وواصل : عيب إن والد زيزو يطلع يقول مكنش هيجدد، الا لما يرحل مجلس الإدارة الحالى، عيب الكلام دا.
