علق رامي نصوحي عضو مجلس ادارة نادى الزمالك على هزيمة الزمالك بالأمس من النادى الأهلى فى في نصف نهائي السوبر الافريقي لكرة اليد.
الأهلي فاز على الزمالك بنتيجة 31-26 في نصف نهائي السوبر الافريقي لكرة اليد، وللاسف هذا الوضع تكرر فى الفترة الاخيرة، ليعلق عضو المجلس على هذا الهزيمة.
وعبر صفحته الشخصية على موقع التواصل الاجتماعى فيس بوك كتب عضو مجلس ادارة الزمالك قائلاً :
أنا عارف إن الناس زعلانة، وعندها كل الحق، مفيش حد بيحب يشوف فريقه بيخسر. لكن إحنا استلمنا ألعاب الصالات زيها زي باقي حاجات كتير في النادي، محتاجة شغل وبناء وصبر.
وإحنا كنا عارفين ده كويس قبل الانتخابات، وعارفين إننا هنواجه كل اللي إحنا شايفينه دلوقتي، ومستحملين، وبنلتمس العذر للناس.
يمكن ما نلحقش نحصد ثمار اللي بنعمله، لكن الأهم إننا نحط الزمالك على الطريق الصح، علشان اللي ييجي بعدنا ما يشوفش اللي إحنا شفناه، ولا يعيش اللي إحنا عشناه.
بشكر كل الناس اللي حضرت الماتش النهاردة، وحقكم عليا، ما تزعلوش
