علق أحمد حسام ميدو نجم الزمالك السابق وعضو لجنة التخطيط على حال الكرة المصرية منتقدا النظام الحالي للرياضة المصرية
خاصة عقب قرار لجنة التظلمات الظالم بالأمس برفض خصم ثلاثة نقاط اضافية من الأهلي عقب الانسحاب من مباراة القمة
الى جانب خسارة منتخب مصر للشباب بالأمس أمام منتخب المغرب في نصف نهائي أمم أفريقيا التي تقام حاليا في مصر
ميدو من خلال تصريحاته عبر موقع التواصل الاجتماعي اكس تحدث قائلا:
نظام ادارة كرة القدم في مصر عين عيال ملطوطه في مناصب مهمة غير مؤهلين علشان تعرف تتحكم فيهم وفي قراراتهم علشان تعرف تجامل اللي انت عايزه والنتيجه دوري فاشل ومن سئ ألى أسوأ ومنتخبات ضعيفة مافيهاش ولا لاعيب هيكمل ويلعب منتخب أول ومدربين مالهومش اي علاقة بعلم التدريب الحديث وجمهور معظمه مشحون في أتوبيسات تبع أحزاب سياسيه وإعلاميين بيطبلوا للاعيبه بعينهم علشان ولاد ناس مهمين وكورة بصراحة معفنه مالهاش اي علاقة بالكورة اللي بنتفرج عليها في كل حته في العالم
وتحدث أيضا:
احلى حاجه ان بعض الإعلاميين والمسؤولين بيعتبوا على الجمهور ليه مابيروحوش ماتشات المنتخبات فاكرين الجمهور عبيط ومش دريان بكم الفساد والمجاملات اللي موجود في الكورة في مصر اللي انتوا ماتعرفهوش ان عندنا جيل جديد بالكامل غير مهتم بمتابعة الدوري المصري من الاساس ومابيتفرجش عليه ولا مهتم بأخباره ولا يعرف اسامي اللاعيبة اللي بتلعب في المنتخب من الاساس إلا اتنين او ثلاث لاعيبه..
