رد الكاتب الصحفي خالد طلعت على بوست وصفه بـ الأهبل من بعض جماهير الأهلي
حيث تحدث خالد طلعت عبر حسابه على موقع التواصل الاجتماعي فيسبوك قائلا:
فيه بوست (أهبل) متداول من بعض الأهلاوية وفيهم ناس كبار ومحترمين ومسؤولين ان طه عزت الزملكاوي غير اللايحة وغير عقوبة الانسحاب عشان خاطر الزمالك فالأهلي استفاد منها !!!
الكلام ده خاطىء وعاري تماما من الصحة ، وبيضحكوا بيه على جمهور الأهلي ، عقوبة الانسحاب السنة دي متغيرتش ولسه العقوبة للي ينسحب خصم 6 نقاط عادي مش 3 زي ما هما بيقولوا وبيوهموا جمهورهم، وعقوبة الانسحاب للي ميروحش الماتش زي اللي يروح وينسحب في نص الماتش، وده اللي اكده احمد دياب رئيس الرابطة وثروت سويلم عضو الرابطة وطه عزت رئيس لجنة المسابقات اللي كتب اللايحة بنفسه
لجنة المسابقات برابطة الاندية خدت قرار في الاول بعقوبة الاهلي بخصم 6 نقاط ، وتم اعلان القرار رسمي بناء على اللايحة ، واللجنة الأوليمبية أكدت القرار ده ، وبعد كده الاهلي قدم تظلم ومجلس ادارة رابطة الاندية اجتمع وليه الحق انه يغير العقوبات وخفف العقوبة لخصم 3 نقاط فقط ارضاءا للاهلي وادارته وجماهيره وعشان ما وصفه بالظروف الطارئه ان الماتش تم اعلانه قبلها بـ 5 أيام ومكانش فيه وقت لاحضار حكم اجنبي
واللي يأكد كلامي تصريحات مسؤولي الرابطة ومنهم ثروت سويلم ان بيراميدز لو انسحب امام سيراميكا هيتطبق عليه اللايحة ويتخصم منه 6 نقط
اللايحة متغيرتش في بند خصم 6 نقاط من المنسحب خالص ولسه زي ما هي وتم تخفيف عقوبة الاهلي وتم استثنائه من اللايحة ، فبلاش تقولوا اي كلام وانتوا مش فاهمين حاجة
