كشف الناقد الرياضى، عمرو الدرديري، مفاجأه بشأن عقود لاعبي الفريق الاول الكروى فى النادى.
ونشر عبر صفحته الرسميه على موقع التواصل الاجتماعى "فيس بوك":
وكتب: أنا بستغرب من مرتبات لاعيبة الفئة الأولى في الدوري المصري! يعني زيزو مميز في الكرات العرضية، إمام عاشور جامد في التسديد، وعبدالله السعيد بيتحكم في إيقاع اللعب، وتريزيجيه سرعته خارقة، بس أنا شوفت الراجل الأسمر ده بيعمل أوفرات وهو جسمه مش متوازن أصلًا! من أوضاع مستحيلة، والكرة بتلف تروح على رأس المهاجم بالملي. شوفتُه بياخد الكورة من عند الجون، يزحف اللي قدامه على وشه، ويروح يسجّل. شوفتُه بيسجل من نص الملعب في الشرطة، ومن فاولات قدام فرق كبيرة، ومن زوايا مستحيلة زي جول إنبي والحرس.. شوفتُه بيسجل بعد ما يعدي من واحد، وشوفتُه وهو بيعدي من 3 و4 ويسجل!، أول لاعب في مصر شوفته بيجمع بين السرعة والمهارة والتسديد، وكل ده والكرة تحت رجله، مسيطر عليها مش بتبعد عنه لحظة. دلوقتي كل لاعب مميز في حاجة واحدة بس، شيكابالا الوحيد اللي كان عنده كل المميزات اللي غيره بياخد ١٠٠ مليون علشان عنده واحدة بس منها! من الآخر... اللي شاف شيكابالا شبع كورة، وميملاش عينه أي بلونة.
