نشر الكاتب والسيناريست مدحت العدل، بوست "نقلاً عن أحد محبى النادى" كشف فيه عوار المنظومة الرياضية الذي نعيش فيه على مدار سنوات.
منظومة رياضية هدفها فقط خدمة نادى واحد، وتعمل كل ما فى وسعها لمساعدته، مما جعله يحقق بطولات، 60% منها بالمجاملات التحكيمية والادارية.
وعبر صفحته الشخصية على موقع التواصل الاجتماعى فيس بوك نشر مدحت العدل هذه الكلمات المنقولة، لكن فيها خلاصة المشهد ..
احنا مش هنناقش توقيع لاعب لنادي غير ناديه وهو في فتره الحمايه القانونيه علي مدار ٣ شهور واكتر .
ولا هنناقش ذهاب اللاعب لاستخراج تاشيره دوله مستضيفه لحدث رياضي مرتبط بيها فريق غير فريقه .
وبعدين هنطرمخ علي لاعب متغيب عن تمرين فريقه 23 يوم ومش هنعاقبه رغم أن اللايحه بتقول يتعاقب ، ولا حتي هنسيب للنادي بتاعه اي ورقه تسمحله بالتصعيد الدولي .
وبعدين هنبعت كاميرات بمصورين بمعدين برامج لعودته للتمرين عشان نرصد اي تجاوز هيحصل في حقه ، وهو داخل ناديه الوحش السئ اللي صنعه من العدم علي مدار 6 سنين وخلاه ينافس علي افضل لاعب في القاره .
وبسكوتنا وطرمختنا هنجبر ناديه يستبعده من المباريات لانه لو حضر المباريات هيتشتم والجمهور يتوقف .
وبعدين هنرفض نأجل مباراه حسم الدوري بين مباراتين نهائي افريقيا لبيراميدز عشان نكسب وقت .
وبعدين هنتجاهل اللايحه اللي بتقول انتهاء الموسم بنهاية كل المسابقات اللي من ضمنها كاس الرابطه يوم 12-6 .
وبعدين هنتجاهل عقد اللاعب اللي اخر قسط فيه يوم 1-7 ،
وكل القصص المشابهه للاعبين تركوا انديتهم قبل يوم 1-7 بمخالصه ماليه .
وبعدين هنتجاهل كل قصص اللاعبين الراحلين عن الدوري في وقائع مشابهه بتاريخ 1-7 قبل انتهاء الدوري .
وهنلغي الاجنده الدوليه للمنتخب اللي سبق وأثرت في الترتيب التراكمي للمنتخب وبعدته عن كاس العالم .
وهنضطر الفرق تلعب نهائي الكأس بدون الدوليين الأجانب عشان المباراه تتلعب في اليوم ده تحديدا .
وبعدين هنحدد مباراه نهائي الكأس وقت الفطار بتاع الناس الصايمه لاكتر 16 ساعه عشان مش عاوزين نأجلها يوم واحد او حتي ساعتين لا ندخل ف يوم جديد ويتأجل قيد اللاعب كمان يوم يا حرام .
وهنبعت موظفين حكومه مخصوص هتفتح اتحاد الكورة يوم العيد عشان تقيد الصفقه علي السيستم .
وبعد كل ده هنقول ليه يا جماعه الزمالك عاوز يعطل لاعب عن النادي الجديد بتاعه ، الزمالك نادي كبير وعيب الكلام ده .
- ازاي نادي الزمالك ده نادي سئ جدا وغيور جدا من نجاحات النادي العظيم الأهلي يا جماعه ؟!
