علق الكاتب الصحفي عمرو الدردير على الإعلان الرسمي من النادي الأهلي بالتعاقد مع اللاعب أحمد السيد زيزو
وأعلن الأهلي منذ قليل عن التعاقد رسميا مع أحمد السيد زيزو عقب نهاية عقده مع نادي الزمالك
وكتب عمرو الدردير عبر حسابه على موقع التواصل الاجتماعي فيسبوك قائلا:
تخيل صفقة بحجم صفقة زيزو وتكون محروقة ومتوقعة كده.. يسلم إيد اللي صوّرك وإنت بتعمل تأشيرة أمريكا، والله الراجل ده كان محتاج يتكرم مننا. تخيل كنا كمّلنا مغفلين، والبيه كان زمانه بيحتفل معانا مثلاً بالكأس امبارح، وصحينا على سرينا وزيزو في الأهلي! كانت هتبقى حرفياً صدمة القرن.
أما حالياً، فما هي إلا صفقة محروقة، ولا ليها طعم، والكل عارف ومتوقعها من كذا شهر، وصدمتها اتاخدت تدريجياً وفينّا.
ورغم طبعاً اقتناعي التام بزيزو، إلا إنه لا هيزوّد الأهلي أكتر من اللي عنده، ولا كان هيموّت الزمالك أكتر من اللي فيه.
ماعتقدش حتى إنه هيبقى ربع إمام، بالعكس أنا متوقع إنه هيندم في يوم من الأيام، لأنه ساب تاريخ عندنا كبير، زيه زي جمال حمزة كده، عكس إمام وغيرهم.
عموماً، مبروك عليكم زيزو، بس يا رب نشوفكم يوم بعد كل ده بتكسبوا بمجهودكم..
