علق شريف إكرامي حارس مرمى فريق بيراميدز على تناقض التعامل مع النقد واعتبر البعض أنه خيانة، والانتقادات وعلاقة ذلك بالمصالح الشخصية والمشتركة.
وكتب شريف إكرامي من خلال حسابه على موقع التواصل الاجتماعي اكس قائلا:
مشكلتنا إننا لسه بنتعامل مع النقد كأنه خيانة ومع الاختلاف في الرأي كأنه تهديد..
عندنا تطرف شديد في تصنيف الأمور يا أبيض يا أسود يا ملايكة يا شياطين..
نفس الشخص ممكن يبقى كادر و مستقبل النادي الصبح وخاين بالليل لمجرد إنه قال كلمة صادقة حتى لو في نظر البعض خانه التوقيت والتقدير..
ده يورينا ان اللي بيحرك المشهد دلوقتي مش عقل ولا موضوعيه، ده مزاج لحظي وانفعال أعمى والعقل مالوش مكان في الساحه أصلاً..
لأن في الحقيقة اللي بيحرك الصورة مش بس العواطف و الانتماءات و الارتباط بالاشخاص..
لكن كمان مصالح وصراعات خفية بتوجه و تتحكم وتحدد مين يبقى بطل النهارده ومتهم بكرة..
وسط كل ده، الجمهور بيُستغل و بيتحول من شريك واعي لمجرد أداة بيتم اللعب بيها حسب المصلحة..
الخلاصة إن المشهد محتاج عقل يوزن ويقود..
مش مزاج لحظي يغيّر الحقايق ولا مصالح خفية تتحكم في المصير.
