علق المحلل الرياضي محمد ناصف على أزمات القيد الخاصة بنادي الزمالك، واللى بقت كثير الحقيقة جدآ وصلت إلى 10 قضايا.
الزمالك بفضل التخبط الإدارى والعك في إدارة شئون النادي، وصل بينا الحال إلى ما نحن فيه ليبقى الزمالك
دائماً الحقيقة ضحية من يديره.
وعبر صفحته الشخصية على موقع التواصل الاجتماعي فيسبوك كتب محمد ناصف معلقاً على المشهد الحزين في الزمالك قائلاً :
كلنا عارفين ومتأكدين ان مفيش فك قيد وان القضايا اللي على الزمالك في الفيفا كتير وصعب سدادها مرة واحدة لكن مش مستحيل
الحل عشان نقدر نسدد المبالغ دي هو استغلال عامل الوقت لحد الانتقالات الصيفية هيكون عندنا 7 شهور نقدر من خلالهم نسدد كل شهر مبلغ من اللي علينا ونقفل قضية او اتنين لحد ما نخلص كل القضايا
وفي غرامات قليلة نقدر نسددها ونحلص منها زي جوميز 120 الف دولار ومساعديه 60 الف وجروس 133 الف دولار مبالغ مش كبيرة ولكن بعيدا عن الكلام لان الكلام سهل ...
الناس اللي قاعده في النادي دي لازم تتحرك بشكل افضل من كدا واسرع من كدا ويحاولوا يدوروا على موارد مالية للنادي نقدر نستخدمها في السداد مش معقول الناس دي وهما رجال اعمال مفلسين خالص كدا في افكارهم
الوضع اصبح صعب ولازم تحرك سريع لمحاولة تقليل الضغوط على النادي وجماهيره لان كدا كتير جدا على الجمهور بصراحة
