أشاد الاعلامى خالد الغندور، بناصر ماهر، لاعب الفريق الاول الكروى فى النادى، الذى انتقل حديثاً الى بيراميدز.
ونشر عبر صفحته الرسميه على موقع التواصل الاجتماعى "فيس بوك":
وكتب: برضه حابب أقول كلمتين
عن ناصر ماهر
مفيش شك إنك لاعيب كبير
مهاري
موهوب
صاحب رؤية في الملعب
ناصر
لما لعب في الزمالك
قال تصريحات تدل على حبه الشديد للزمالك
وخصوصا لما قال عنه
إنه نادي الأساطير
فيه ناس وقتها هاجمته
واعتبرته بيلقّح على النادي الأهلي
لكن التجربة الأخيرة
أثبتت أد إيه ناصر ماهر
لاعيب
خلوق جدا
وعاطفي جدا جدا
وابن أصول
صاين نعمة الزمالك اللي رجعه للأضواء تاني
كلنا شوفنا الكلام المحترم العظيم والشيك
اللي بيودع بيه ناصر ماهر جماهير الزمالك
وداع .. على أمل العودة في يوم
وشوفنا كلام كله عرفان بفضل النادي عليه
وده اللي خلاه يقبل بعرض الانتقال لنادي بيراميدز
عشان تكون فلوس صفقة ناصر ماهر نفسه
جزء من حل أزمات الزمالك المالية
أد إيه رسالة ناصر ماهر لجماهير الزمالك
كانت راقية على كل المستويات
روح رياضية
صيانة للعشرة والعيش والملح
احترام وتقدير للنادي وجمهوره
أتمنى لك كل التوفيق يا ناصر
وأتمنى إن مشكلتك البسيطة مع المنتخب
تنتهي
وحابب أقول للعميد حسام حسن
لو ينفع تقبل وساطتي كزميل ملعب
وأخ أصغر لك
وتعذر ناصر وانفعاله العاطفي
وأنت نفسك يا نجم
كتير من غيرتك على المنتخب أو النادي
كان ممكن تغضب
بس مصر كلها عارفة حبك وإخلاصك
وأنا شخصيا عارف قلبك الكبير
وناصر
يستاهل منك صفحة جديدة
