شن المحلل الرياضى محمد ناصف هجوم عنيف على مجلس ادارة نادى الزمالك، اللى ضيع النادى الحقيقة.
مجلس الادارة ونتيجة سوء إدارة نجح فى إعادة النادى للوراء 30 عام، لينتقد محمد ناصف المجلس الحالى.
بالمناسبة الكابتن حسين لبيب ملوش أى كلمة فى النادى .. دى معلومة أكيدة يعنى، وهو المفترض رئيس النادى.
وعبر صفحته الشخصية على موقع التواصل الاجتماعى فيس بوك كتب محمد ناصف قائلاً :
قرار انك تبيع اي لاعب في توقيت زي دا في ظل ظروف ايقاف القيد وانك مش هتعرف تعوضه وتجيب غيره قرار عْىبي من ادارة مفلسة
القرار دا ممكن يكون مقبول لو في ترتيب للاولويات وتبقى عارف هتبيع مين عندك واللي هتبيعه يكون لاعب مش مؤثر او مش هيأثر على الاسكواد لنهاية الموسم
يعني عندك 4 حراس مرمى "عواد وصبحي والمهدي ومحمود الشناوي" المركز دا في اكتر من حارس ممكن تبيع حارس زي صبحي وهنا هيبقى عندك عواد الاساسي
والمهدي بديل جيد ومحمود الشناوي بديل تالت وهنا مفيش اي تأثير سلبي على مركز حراسة المرمى لان عندك وفره في المركز دا وحافظت كمان على الحارس الاساسي والافضل اللي هو عواد
برضه مركز زي خط الوسط اللي فيه زحمة كتير مركز تقدر تتخلى فيه عن لاعيبة وتعرضهم للبيع يعني عندك "عبد الله السعيد ودونجا وشحاتة واحمد حمدي ومحمد السيد واحمد ربيع ومحمود جهاد وسيف فاروق جعفر" مركز في اكتر من لاعب والاساس عندك موجود "عبدالله ودونجا وشحاتة واحمد حمدي ومحمد السيد " وعندك 3 لاعيبة تقدر تخرج منهم اتنين على الاقل "ربيع اللي ملعبش ولا ماتش بسبب اصاباته وسيف جعفر ولو في فرصة لجهاد اعارة في اي نادي برضه عادي لان عندك اسماعيل نقدر نستفاد منه في المركز دا لو احتجناه
عندك برضه خط هجوم الزمالك عندك فيه 4 لاعيبة لما ترتب اولوياتك والاساسي بتاعك هتحط "ناصر منسي وسيف الجزيري وبعدهم عدي واخر لاعب هو عمرو ناصر " عايز تبيع عمرو ناصر او تطلعه اعاره عادي جدا التلاتة اللي عندك تقدر تكمل بيهم لان عمرو هو اقل مهاجم فيهم ولحد دلوقتي مقدمش اوراق اعتماده
انما تعمل جىريمة ببيع ناصر ماهر للمنافس بتاعك بيراميدز وتفقد لاعب اساسي وبعدها عايز تبيع اهم مهاجم عندك ناصر منسي للمنافس بتاعك في الكونفدرالية المصري وتفضي الفرقة من اي لاعب مؤثر وعايز تنافس او تكسب بطولة دا استحالة يحصل واستحالة برضه يكون دا تفكير ناس عاقلة دي ناس بتتعمد الاذى للنادي من يوم ما دخلوه ووصل بيهم الحال والافلاس انهم يفكروا في بيع الناس اللي سانده الفرقة في موسم بنافس فيه على كل البطولات المشاركين فيها وعندنا ايقاف قيد مش عارفين نفكه
دا لو الخطيب اللي ماسك النادي مش هيعمل كدا اتقوا الله في النادي يا شوية فشىلة
