أشاد الناقد الرياضى صبحى عبد السلام بمهاجم الفريق ناصر منسي، فى ظل تألقه مع الفريق فى الفترة الاخيرة.
وعبر صفحته الشخصية على موقع التواصل الاجتماعى كتب صبحى عبد السلام قائلاً :
في كل اختبار، بيثبت إنه أحسن مهاجم مصري دلوقتي،
هداف بالفطرة، بيسجل من أنصاف الفرص قبل الكاملة.
متحرك، شرس قدام المرمى، وبيظهر وقت ما الفريق كله يختفي.
أهدافه مؤثرة زي المهاجمين الكبار زمان، ابرزهم علي خليل ونصر إبراهيم.
ضيف على ده كله إنه لاعب مؤدب، ملتزم، مطيع، عنده شغف رهيب لهز الشباك، ما بيبطلش جري وفرك لحظة، وبركة دعاء أمه فوق راسه.
طب السؤال المنطقي بقى:
لما قفة وصلاح محسن وحسام حسن ومحمد شريف، وقبلهم المهاجم مروان محسن الذي لا يلعب كرة القدم، خدوا فرص كتير مع المنتخب
ليه منسي لأ؟
ليه كل مرة الاختيارات تبقى بعيدة عن اللي يستاهل فعلًا؟
هو لازم يمشي من الزمالك علشان يتشاف؟
هو القميص الأبيض بقى تهمة مش ميزة؟
منسي مش طالب مجاملة،
منسي طالب عدل بس.
اللي بيجيب أهداف ويحسم مباريات، مكانه الطبيعي منتخب مصر، ولا علشان اسمه منسي ؟
