وجه المؤلف عمرو محمود ياسين، رسائل نارية إلى حسام حسن، المدير الفني للمنتخب الوطنى الاول.
ونشر عبر حسابه الرسمى على موقع التواصل الاجتماعى "فيس بوك":
وكتب: أولا أنا من محبي حسام حسن و بدعمه دائمًا..لكن الدعم ده مش مطلق
ثانيا حسام ماكنش يقصد يهين الشناوي لكنه لا يجيد اختيار الألفاظ
ثالثا حسام بيحب يشير دائما لفضله على اللاعبين ودي مشكلة لازم يراجع نفسه فيها ونفتكر كم مره قال غيرنا وظيفة محمد صلاح في الملعب على اساس كبر و كده ومايفنعش وينج..اللي هو أنقذ مسيرة صلاح وكده.. قالها كتير كتيرررر قوي ..بس صلاح يا كابتن حسام بيلعب وينج عادي في أوقات كتير في تركيا وبيجيب هاتريك وزي الفل ..
رابعا كابتن حسام مش عايز حد يقلب له وشه في الفرقه ..عشان كده بيحاول يخلص من الشناوي زي ماخلص من مصطفى محمد..وبعدين على رأي ابراهيم فايق لو شناوي كان منتهي طيب ليه ماخدتش ساعتها أي حارس تاني مش منتهي؟؟
خامسا محمد صلاح مابيخرجش في دقيقه ٦٠ يا كابتن حسام .. ده اسمه عبث وأصلا انت كنت في إحتياج له و لهيثم حسن في الوقت ده من المباراه ومكانش ينفع يخرجوا لان دول اللي عندهم حلول فنية !
سادسا مش لازم كل ماتش يبقى في لقطة ونمره مع حد .. مع الحكام ..مع مدرب انجولا.. في ايه بس يا كابتن حسام؟؟
راجع نفسك بسرعه.
