علق المحلل الرياضى محمد خليفة على الخبر المنتشر عن اهتمام الأهلي بضم لاعب إنبى المهاجم أقطاى عبد الله.
خبر خرج للنور كده بدون مقدمات قبل مباراة الزمالك وإنبى المقرر لها بعد غداً الاثنين، ليعلق محمد خليفة على هذا الخبر.
وعبر صفحته الشخصية على موقع التواصل الاجتماعى فيس بوك كتب محمد خليفة قائلاً معلقاً :
الغرض من الخبر ده مش تحفيز للاعب
اللاعب كده كده عنده دوافع كبيرة
الغرض انه يجرك انت لمعركة مع اللاعب في الماتش خاصة بسبب واقعة الدور الاول
وانا بطلب منك كجمهور ما تركزش غير مع فريقك ولعيبتك
انت نادي الزمالك بتلعب علي لقب الدوري
ولا عاوز لعيب من الزمالك يركز مع حد غير الفوز
للعلم مثلا حسين الشحات بيغيب عن ماتش بيراميدز علشان خد انذار لما حب يعمل لقطة علي لعيب من سموحة وده خطأ فادح منه
الفريق الذكي لعيبته وجماهيره اذكيا مركزين علي هدفهم وهو الفوز والحفاظ علي نفسهم الماتشات القادمة
أنا لا أنافس أقطاي عبد الله
أنا بنافس بيراميدز والاهلي علي اللقب
وعاوز جمهوري معايا في كل ماتش جاي
علشان أنا عاوز الدوري
