علق شريف إكرامى حارس مرمى نادى بيراميدز السابق على تصريحات حسام حسن المدير الفنى لمنتخب مصر والذى وصف محمد الشناوى حارس مرمى الأهلى بالحارس المنتهى.
تصريحات ضمن تصريحات حسام حسن الغير مقبولة، ودعونا لا ننسى تصريح له سابق بخصوص مصطفى محمد، حينما قال عندى 2 مهاجمين وربع.
وعبر صفحته الشخصية على موقع التواصل الاجتماعى فيس بوك كتب شريف إكرامى معلقاً :
مشكلة كابتن حسام حسن إعلاميًا في رأيي مش دايمًا في اللي عايز يقوله..
لكن كتير بتكون في الطريقة اللي بيعبر بيها..
وده ظهر جدًا في كلامه عن الشناوي..
والمشكلة دي مش جديدة، فمش حابب أقف عندها كتير..
لكن اللي لفت نظري في التصريح حاجة تانية..
من حق أي مدرب يختار أو يستبعد أي لاعب لأسباب فنية، مهما كان اسمه وتاريخه..
لكن وصف لاعب إنه كان منتهي وإنك أنت اللي رجعته، بيحول الكلام من قرار فني لفكرة تانية خالص..
فكرة إن المدرب صاحب فضل على اللاعب..
طبعًا المدرب ممكن يكون ليه دور في رجوع لاعب لمستواه..
لكن لو شايف إن استبعاده صح فنيًا، استبعده..
من غير ما تحتاج تقول أنا اللي رجعته..
ممكن كابتن حسام حسن ما يكونش قصد المعنى ده..
بس أحيانًا اختيار الكلمة بيبقى جزء من مسؤولية المنصب.
