علق الفنان هشام إسماعيل، على مواجهه الفريق الاول الكروى فى الزمالك هذا الموسم لنظيره إنبي فى بطوله الدورى.
ونشر عبر حسابه الرسمى على موقع التواصل الاجتماعى "فيس بوك":
وكتب: فيه طاقة مش عاجبانى أبدا عند معظم الزملكاوية و يمكن أكون غلطان
ان احنا لازم نؤدب انبى كرويا و نعلمهم الماعرفش ايه و ندوس عليهم و جو غريب مريب مش لايق علينا خالص و لما جماهير أخرى بيعملوه بنستنكر السلوك المبالغ فيه ده لأنها كورة للمتعة و السعادة و الغيظ اللطيف الخفيف اللى مايزيدش عن حده لأننا عمالين نخسر ناس بتتطاول و تقل عقلها و أدبها عشان الكورة علشان لا بيفهم الضحك ولا بيعرف يحتفل بخفة دم
رجاء ماتش انبى مصيرى كحسابات و يقرب الزمالك من الدورى المعجزة بنسبة جبارة لكن يفضل ماتش كورة و لما غلبونا كسبوا بأداء ممتاز و تفوقوا كورة لكن احنا مابنخلقش عداوات وهمية لإثبات قوة و جدارة
خلوها ماشية ببركة يارب سترك و عفوك و رضاك احنا ربنا كرمنا عشان اشتغلنا فى ظروف صعبة من غير حسابات المكسب
ح نأڤور و نعمل منتقمين ده ح يبوظ الماتش كله و نخسر الهدف منه ال٣ نقط
