كشف محمود الاسيوطى مالك نادى بيراميدز السابق عن ما وصفه بـ الغلطة الآن فى فكرة تواجد نادى بيراميدز على الساحة.
محمود الاسيوطى اكد ان غلطة بيراميدز هو المكان، بعد تغيير إسمه من الاسيوطى الى بيراميدز، وتواجده فى القاهرة بعيداً عن أى حاضنة شعبية له.
وعبر صفحته الشخصية على موقع التواصل الاجتماعى فيس بوك كتب محمود الاسيوطى شارحاً ومعلقاً :
بيراميدز... غلطة المكان!
لو بيراميدز كان كمل ممثل للصعيد وتحديداً بني سويف، كان زمانه دلوقتي عنده قاعدة جماهيرية مرعبة.
التاريخ بيقول كده:
مفيش نادي في القاهرة الكبرى نجح يعمل جمهور مهما كسب بطولات. اسألوا المقاولون العرب وانبي... دوري وكاس وافريقيا، والجمهور في المدرجات يتعد على الصوابع.
السبب؟ الأهلي والزمالك.
الارتباط بيهم في العاصمة تاريخي من 100 سنة. صعب تاخد منهم واحد.
العكس تماماً في المحافظات:
غزل المحلة، غزل دمياط، شركة الألومنيوم، المقاصة، تليفونات بني سويف... كلها أندية شركات وعملت جمهور يشيلها. لأنها كانت "نادي البلد".
بيراميدز اختار يصارع الوحوش في عرينهم، بدل ما يبقى ملك في أرض فاضية.
