طالب صبحي عبد السلام الناقد الرياضى، الفريق الاول الكروى فى النادى عقب خسارة الديربي امام الاهلى بثلاثيه نظيفه.
ونشر عبرحسابه الرسمى على موقع التواصل الاجتماعى "فيس بوك":
وكتب: كفاية كده..
من حقك تزعل، من حقك تغضب، لأن الخسارة كانت قاسية ومؤلمة ومش وقتها خالص.
لكن مش من حقك تهدم فريقك بإيدك، ولا تشكك في ولاء لاعيبة لابسين تيشيرت ناديك!
اللي حصل قدام الأهلي كان درس قاسي آه، بس كمان كان نتيجة أخطاء واضحة، وضغط مباريات قاتل، وخوف طبيعي من ضياع لقب في آخر لحظة.
لاعيبة الزمالك ما كانوش في يومهم،
وفي المقابل، الأهلي استغل كل غلطة، وكان أكثر هدوء وثبات، بس السؤال الحقيقي مش مين غلط؟
السؤال: هتعمل إيه دلوقتي؟
عندك 4 مباريات في بطولتين كبار، دوري وكونفدرالية
يعني لسه كل الأماني ممكنة، ولسه البطولة في الملعب، مش على السوشيال ميديا!
كفاية هجوم وتجريح، ده وقت دعم، وقت وقفة، وقت تثبت إنك مشجع بجد، مش وقت المكسب بس.
الزمالك ما بيقعش، الزمالك هيقوم ويرجع بيك إنت.
إما تبقى سند لفريقك، أو تبقى سبب في كسره، الاختيار بسيط، من غير صداع، ومن غير فزلكة !
