أعلن أحمد ياسر عبد الوهاب، لاعب فريق الزمالك لكرة السلة، انتهاء مشواره مع الفريق.
في خطوة جاءت قبل أيام قليلة من مواجهة تحديد المركزين الثالث والرابع في بطولة الدوري.
ويُعد أحمد ياسر من العناصر التي شاركت مع الفريق خلال الفترة الماضية
وكتب أحمد ياسر عبد الوهاب، لاعب فريق الزمالك لكرة السلة عبر حسابه على موقع التواصل الاجتماعي فيسبوك قائلا:
إلى جماهير نادي الزمالك العظيمة،عمري ماكنت اتخيل اني اكتب الكلام ده الكلام صعب… أصعب مما كنت متخيل. أنا واحد منكم قبل ما أكون لاعب في الفريق، تربيت على حب الكيان ده، وعشت كل لحظة فيه بحلم طفل كان نفسه يومًا يلبس التيشيرت الأبيض ويدافع عنه.
من صغري وأنا هنا… اتعلمت، كبرت، واتشكلت شخصيتي جوه جدران النادي شرفت إني أكون جزء من تاريخ كبير، وكنت محظوظ إني أحقق بطولات حققت مع نادي الزمالك العديد من البطولات الغاليه خلال 7 سنوات بطولتين دوري عام بطولة كأس مصر بطولة افريقيا الاشتراك في كأس العالم للأندية، وكان دايما هدفى أفرّح الجماهير اللي كانت السند الحقيقي لينا في كل الظروف.
النهاردة بقول وداع، لكن مش وداع حب أو انتماء… ده وداع مرحلة من حياتي هتفضل دايمًا الأغلى. كل لحظة تشجيع، كل هتاف باسمي، كل وقفة جنب الفريق في الصعب قبل السهل… عمرها ما هتتنسى بشكر زمايلي اللي كانوا إخواتي قبل ما يكونوا فريق، وبشكر كل الأجهزة الفنية والإدارية اللي ساعدتني أو وقفت جنبي في أي وقت وبوعدكم إن حب نادي الزمالك هيفضل جوايا طول العمر… ودايمًا هكون أول واحد يشجع ويفرح بانتصاراته شكرًا على كل حاجة".
