تحدث الناقد الرياضى محمد الجبالي عن منافسه الفريقالاول الكروى فى النادى، والدعم والمساندة بإستمرار من جانب الجمهور.
ونشر عبر حسابه الرسمى على موقع التواصل الاجتماعى "فيس بوك":
وكتب: ايه الجديد .. مش فاهم ؟! مصممين نثبت ما هو ثابت ونؤكد ما هو مؤكد ونكرر ما هو مكرر ..!!
هو مين في مصر ولا العالم العربي كله ميعرفش إن التعامل الإعلامي مع الزمالك وقضاياه في كل الاتجاهات يشوبه الكثير من علامات الاستفهام ..!!
هو مين مش عارف إن الزمالك لولا جماهيره الوفيه المخلصه واقفه معاه وسانداه ضد كل المؤامرات مكنش وقف صامد كل هذا الصمود على مر السنين ..!!
سبق وقولنا مليون مره وبشكل واضح وصريح .. قوى الشر لا تريد حصول الزمالك على بطولة الدوري هذا الموسم بأي شكل من الأشكال لأن فوز الزمالك بيها هيغير قواعد اللعبة وهيهدم الأصنام وهيعري الأساطير وهيفضح ملفات إهدار المال العام ،،،
هيفيد بايه أجيب الشريعي يتكلم ولا ميتكلمش ؟! ما هو إنبي جاي للأهلي مفرهد من أقوى مباراتين أمام الزمالك وبيراميدز ،، ثم الأهم من ذلك هو إنك مش محتاج لا لإنبي ولا المصري في مباراتهم مع الأهلي ،،، الأهلي هو اللي محتاج سموحة وسيراميكا في مباراتهم مع بيراميدز والزمالك ،، الأهلي عايز أولا يتمسك بالفرصة المعجزة وثانيا مش عايز يروح كونفدرالية ..!! وكمان بيراميدز محتاج سموحة وسيراميكا يعطلوا الزمالك ... أما الزمالك هو الفريق الوحيد من المنافسين الثلاثة اللي مش منتظر أي هدايا من أي فريق ،، الكرة في ملعبه هو فقط .. خلاص .. يفوز على سموحة وسيراميكا يفوز بالدوري .. أما لو إنبي عملها مع الأهلي فكتر خيره ولو سيراميكا عملها مع بيراميدز برضوه كتر خيره .. ولو معملوهاش برضوه كتير خيرهم مش محتاجينهم في حاجة ...
الزمالك لا يحتاج سوى للزمالك
الزمالك مش منتظر حاجة من إنبي ولا عايزينوه ينتظر
الزمالك الشقيان لازم يثبت بأنه هيجيبها بدراعه ومش محتاج هدايا من حد ..
