علق الناقد الرياضى محمد الجبالى على الحملة الشرسة ضد نادى الزمالك لمجرد تصدره جدول الدورى.
حملة من لجان مأجورة معروفة فى محاولة لهدم الزمالك الذى يعانى من الأساس، وتناسوا أن هناك أندية 60% من بطولاتها بالتحكيم والمجاملات، ولابد من محاسبة مجلس إدارة على إهدار المال العام فى لاعبين وصفقات وفرقة مليار، ومحدش بيتكلم.
وعبر صفحته الشخصية على موقع التواصل الاجتماعى فيس بوك كتب محمد الجبالى معلقاَ على الحملة الشرسة ضد الزمالك :
بجد مش هزار
وبكل هدوء من غير نرفزه
وبالعقل والمنطق مش بالهري والهبد
أنا صعبان عليا الجماعة اللي مش لاقيين حاجة يقولوها ولا عارفين يجيبوها منين على فين بما فيهم فئة كبار السن والمقام اللي بنشوفهم بيكتبوا حاجات ميكتبهاش طفل رضيع ،،،
ليه مش عايز تعترف بأن فريق الزمالك يستحق الشكر والتقدير هذا الموسم وأن منافسيه يستحقون المحاسبة القاسية نظرا لما أنفقوه من أموال باهظه وصلت للمليارات ؟!
ليه كل همك في الحياة إنك تهد في منافسك اللي هو أصلاً مهدود وبتعتبر ده بمثابة نجاح ليك ؟!
هاتلي واحد منكم عنده ضمير اتكلم أو لمح أو حتى يجرؤ على ذلك يقدر يتحدث عن فضائح كل هذه الأموال التي تم صرفها على مدربين وصفقات مضروبة في الخلاط ،، والنتيجة في النهاية صفر مربع ؟!
أنتم مؤديين أدوار لكن خايبين ،، ومنتفعين ومعدومي الضمير ولا يهمكم سوى التدليس والتزييف لمسح عقول الشباب الصغير المغيب !!
