علقت الكاتبة والمؤلفة دينا نجم على سيناريو مباراة الأمس للزمالك امام اتحاد العاصمة في ذهاب نهائي الكونفدرالية
المباراة التي انتهت لصالح اتحاد العاصمة بهدف للاشئ في سيناريو مثير كان في احراز الزمالك هدف التقدم القاتل، قبل ان يتم الغاؤه بسبب عودة الحكم الى الفيديو
حيث احتسب ركلة جزاء في لعبة أسبقت الهدف الأبيض لـ بيزيرا، ويتم تسجيله ويحقق الفريق الجزائري هدف الفوز
وكتبت دينا نجم من خلال حسابها على موقع التواصل الاجتماعي فيسبوك قائلا:
في كتابة السيناريو، علمونا ان مينفعش تكتب مشهد مفيهوش حدث.. و إلا يبقى مشهد ملوش لازمة ولازم يتشال.. ومش بس لازم يبقى فيه حدث.. لا ده لازم وضروري يبقى فيه توتر.. يعني مينفعش الشخصية تدخل المشهد عايزة حاجة وتاخدها بمنتهى السهولة.. أصل يبقى عملنا المشهد ليه طيب؟ المشهد لازم يعمل تحول ما.. ولما تيجي تخلق توتر في المشهد مينفعش تعيد نفس شكل التوتر اللي عملته في مشهد قبل كده.. يعني لازم تتفنن في خلق شكل جديد للتوتر وإلا التوتر هيفقد قيمته.. أهو الزمالك حبيب قلبي ماتشاته كلها كلها عبارة عن مشاهد مكتوبة صح أوي.. مفيش مشهد ممكن يتشال.. مفيش مشهد بيمر مرور الكرام.. كل مشهد فيه حدث كبير ومؤثر لا يمكن حذفه.. كل مشهد فيه توتر فريش.. جديد من نوعه.. تعقيدة ذكية ومحبوكة صح.. دراما مثالية مكتملة الأركان والمواصفات.. ويمكن دي الحاجة الوحيدة الثابتة اللي الزمالك ناجح انه يبقى ملتزم بيها على مدار السنين والعقود.. لا متفهمنيش غلط.. أنا معاك للأبد يا توكسيك يا قمر.. معاك بالبطولات ومن غيرها.. معاك لحد ما حد فينا يخلص على التاني ان شاء الله زي فيلم غرام الأفاعي لما حطوا سم لبعض في الأكل
