وجه الكاتب الصحفي محمد الجبالي رسالة الى الاعلامي أحمد شوبير بسبب دفاع الأخير بشكل غير مبرر عن محمد أبو العنين رئيس نادي سيراميكا.
وذلك قبل مواجهه نهائي الدوري بين الزمالك وسيراميكا يوم 20 مايو الحالي والتي يحتاج فيها الأبيض لنقطة واحدة لحسم الدرع
وكتب محمد الجبالي من خلال حسابه على موقع التواصل الاجتماعي فيسبوك قائلا:
إلى الكابتن أحمد شوبير ،،،
حضرتك بتتكلم ليل نهار على رجل الأعمال محمد أبو العينين وقصة مباراة سيراميكا وواخدنا في سكة تانية وموضوع تاني خالص ،،،
على فكرة ،،،
محدش جاب سيرة النائب محمد أبو العنين ،، الكلام كله على رجل الأعمال اللي سجل فيديو من داخل استاد التتش ووعد بصرف ٥٠ ألف جنية لكل لاعب في سموحة قبل مباراة الزمالك وقال بالحرف :" ادبحوهم " ،، ( الفيديو في أول تعليق ) 👇👇👇
ليه حضرتك مصمم تاخد الموضوع في سكة محمد أبو العينين ومبتتكلمش على الفيديو اللي اتصور من داخل ملعب التتش ..!!
طاب هو حضرتك مشوفتش اللي كتبه المحامي الأهلاوي خالد أبو بكر ،، ومشوفتش اللي كتبه المهندس فرج عامر ،، طاب مسمعتش نفسك وإنت بتدافع دفاع مستميت على حارس مرمى سموحة ،،، ولا حضرتك مسمعتش نفسك لما بتتكلم ليل نهار على فلوس الحكم الأجنبي اللي الزمالك طلبه ،،،
عايزين نسمعك ونعرف رأيك يا كابتن شوبير يا صاحب الانفرادات بخصوص عقد توروب مدرب الأهلي والشرط الجزائي؟!
