علق المستشار محمد عطية عضو اللجنة السابقة التى كانت تدير النادى على ما حدث بالأمس وهزيمة الفريق فى مباراة نهائى الكونفدرالية الإفريقية.
سيناريو غريب عجيب نادراً ما نراه، حرص المستشار محمد عطية التعليق على اللقاء، والتعليق على القادم.
وعبر صفحته الشخصية على موقع التواصل الاجتماعى إكس كتب المستشار محمد عطية قائلاً :
سيناريوهات الكورة ممكن تغير أحكامنا وتفكيرنا وتوجهاتنا .. لو حاولنا نشرح الفكرة دى هيكون أفضل شرح لها هو الدقايق التلاتة اللى سجل فيهم بيزيرا والحكم رجع للڤار عشان يلغى الجون ويحسب بنالتى وبدل ما نكسب ١-٠ نخسر ١-٠ سيناريو كابوسى ..
فى دقيقتين بقيت شايف مشاكل الفرقة والمدرب ولو كسبنا كان هيتقال فيهم شعر .. بقيت مُطالب تلعب بشكل هجومى اكتر وترفع حظوظك عشان تكسب .. بقى عندك شد وتوتر وقلق اكثر لمدة اسبوع بتفكر ازاى ترجع وتكسب .. وكنت ممكن تلعب بهدوء وافكار مختلفة ..
أنا مؤمن اننا بإذن الله هنكسب بس سيناريوهات الكورة فعلاً لازم تتعايش معاها وتعرف انك كلاعب أو مدرب أو مسئول مهما نجحت او اشتغلت ممكن فى ثوانى تبقى فى مرمى النيران .. وهى مش الكورة بس لكن الحقيقة هى دى الدنيا فى ثانية ممكن تبقى غنى أو فقير .. سليم أو مريض .. حى أو ميت ..
صباح الفل وبإذن الله زى أى حاجة كسبناها قبل كدة بشقانا هنجيب الكأس
