علق الناقد الرياضى فتحى سند على الأزمات التي يعيشها منتخب مصر فى الأيام الأخيرة تحت قيادة حسام حسن وبسبب حسام حسن.
المشهد العبثى للكرة المصرية اللى كلنا عارفينه، يحتاج الى تدخل، ليعلق فتحي سند.
وعبر صفحته الشخصية على موقع التواصل الاجتماعى فيس بوك كتب فتحي سند معلقاً :
«الترتان شماعة؟.. صلاح وعبدالمنعم خارج منتخب مصر.. ومرموش وهيثم حسن بيلعبوا عادي!»
نيس طلب أن محمد عبد المنعم ميلعبش والجهاز الفني قال إن صلاح خرج لأن المباراة على ملعب "ترتان" دون أن يعلن صلاح سبب خروجه من المعسكر..
طيب توتنهام مطلبش مرموش ميلعبش على الترتان؟.. هيثم حسن وهو بيلعب في اكبر اندية اسكتلندا ناديه مطلبش إنه ميلعبش علي الترتان.. وهل الترتان هو المبرر الحقيقي لخروج الاثنين محمد صلاح ومحمد عبد المنعم اللي ملعبش مع المنتخب تقريباً في الشهور اللي فاتت كلها إلا دقائق معدودة، وعلى طريقة عادل امام في "شاهد ماشفش حاجة" : لو كل واحد يعني هيخرج من الملعب عشان ترتان مش هتلاقي حد بيلعب في المنتخب.
وجهة نظري إن إللي بيحصل وبيتقال دا كلام دبلوماسي.. لكن الواقع يقول ان فى حاجة في النفوس.. لأن محمد صلاح لعب علي ترتان قبل كدا عادي، أعتقد إن الأمور والوضع في معسكر المنتخب لو طبيعية محدش كان تخلف عن مباراة جنوب السودان.
