انتقد الناقد الرياضى محمد الجبالي، معلق مباراة الزمالك امام نظيره زد فى كأس عاصمة مصر.
ونشر عبر حسابه الرسمى على موقع التواصل الاجتماعى "فيس بوك":
وكتب: معلق المباراة حاجة غريبه ..
بغض النظر عن رأيك في أداءه إلا أن الغريب هو في المعلومات اللي كان بيقولها ،، متعرفش مين أصلاً اللي قايلوه عليها ؟!
لما يحب يشيد بلاعب كان من الضروري يقول إنه نتاج قطاع الناشئين في الزمالك بشكل عام مش نتاج أشخاص حتى لا يقع في خطأ المعلومة ،،
المهاجم الشاب أدهم حسيب مواليد 2009 اللي قال عليه إن اللي اكتشفه الكابتن بدر حامد .. هو ميعرفش إن الكابتن بدر حامد ميعرفش أصلاً أي حاجة عن اللاعب .. اللي جاب اللاعب من سنتين والد اللاعب يوسف محي ( اللواء المحترم محي سلامة ) علشان يتم اختباره في فترة الإعداد ومكنش بيلعب في أي فريق ،، وعلى الفوز تم التوقيع معاه وفي أول موسم مع الفريق أحرز 25 هدف و17 أسيست .. ومش هنقول مين اللي وقع معاه علشان منكررش غلط المذيع اللي حب يجامل اللي بلغه بالمعلومات الخاطئة ..!!
قطاع الناشئين بالزمالك ..
غني بعدد من اللاعبين المميزين رغم الظروف الصعبة اللي بيمر بيها ،،
ناقصهم بس شوية إمكانيات
