رفض الكاتب الصحفي منتصر الرفاعي اي أحكام ضد لاعبي الزمالك الشباب عقب خسارتهم مباراة زد بثلاثية نظيفة في كأس عاصمة مصر
كتب منتصر الرفاعي من خلال حسابه على موقع التواصل الاجتماعي فيسبوك تحدث قائلاً نصا:
الحكم على لاعيبة الزمالك اللي متصعدين لسه من ماتش واحد، ظلم كبير، مستوى أي لاعب مينفعش يتقاس بـ90 دقيقة، ولا ينفع نختصر إمكانيات لاعب في لقطة ضيعها، أو تمريرة غلط، أو مباراة مكانش موفق فيها، ونتيجتها جت عكس التوقعات.
لاعيبة الزمالك عندهم إمكانيات مميزة، وفيه عناصر تستحق الدعم والثقة، لكن زي ما اللاعب ممكن يتألق في مباراة، طبيعي جدا إنه يتراجع في مباراة تانية، وده جزء من طبيعة كرة القدم، اللي مفيهاش لاعب بيقدم أفضل مستوياته طول الوقت، ولا فريق بيكون في قمة مستواه في كل مباراة.
بلاش نستعجل على أي لاعب والفريق ده محتاج دعم عشان المرحلة اللي جايه بتاعتهم في ظل الظروف اللي بيمر بيها الفريق والنادي بصفة عامة
