كشف الناقد الرياضى محمد الجبالي، على خسارة الزمالك للقمة امام الاهلى والاخطاء التحكيميه.
ونشر عبر حسابه الرسمى على موقع التواصل الاجتماعى "فيس بوك":
وكتب: والله دي كورة مكسب وخسارة بس اللي عمله حكم المباراة مالوش علاقة بالكورة !!!!
وأضاف خلال منشور آخر: مباراة وعدت خلاص بكل ما فيها، معتمد جمال كان خايف وفشل في إدارتها ، حكم غريب جداً .. ضربة جزاء ترتد هدف، الدوري لسه طويل، هو ليه الأخطاء التحكيمية المؤثرة دايماً في مصلحة نادي بعينه ؟!
وأكمل: حقيقي مش قادر أستوعب العقليات دي … عقليات انكار الواقع وتبرير الظلم وعشق الحرام !! ايه المشكله في إنك تفور وكل فريق ياخد حقه ؟! فيه فرق بين إنك تخسر كورة وفني، وبين إنك تاخد حقك !! ما تدي كل فريق حقه واللي يفوز يفوز واللي يخسر يخسر !!
وأشار: اللي مش شايف إن لعبة شيكوبانزا ضربة جزاء ومحضر .. ميشجعش كورة تاني !! ومخرج المباراة كمان غريب جداً.
وأختتم: هو حضرتك يعني عايزني أكتبلك المجلس فاشل والمدرب خايف وعدد من اللعيبه زفت … كده يعني جبتلك التايهه أنا !!
ما ده معروف ومفيهوش جديد …
أنا مركز على الحكم لأني بجد مضايق جداً من الفضيحة اللي حصلت في المباراة …
عادي جداً تخسر بس تاخد حقك ..
يعني تخسر وكمان متاخدش حقك ، وعايزني أسكت وأقولك اللي عايزه تسمعه بس !!!
