رفض احمد علي المذيع في قناة نادي الزمالك الإنتقادات التي واجهت محمود جهاد لاعب وسط الفريق الأول لكرة القدم بنادي الزمالك
وذلك عقب إصابته من جديد أمام بترول اسيوط اليوم في الجولة السابعة من مسابقة الدوري
كتب احمد على من خلال حسابه على موقع التواصل الاجتماعي فيسبوك تحدث قائلاً نصا:
الناس كلها قطعت في محمود جهاد مع انه كان ماشي كويس دا غير ان الكل كان بينادي انه يشارك بدل احمد ربيع
جهاد اتصاب في الكورة دي بعد ٨ دقايق تقريبا ودا غصب عنه يعني ومش دلع ومش بلاستيك ولا بسكويت
والكورة دي اللي اتشاطط وجت في العارضة واللعبة دي فاول أصلا لاعب أسيوط رجله اترفعت ونزلت على رجل محمود جهاد ولو كانت جت جول كان اتلغى لأنها فاول
اللاعب كمل لعب شوية وهي الخبطة في بدايتها لان الجسم حرارته مش بتحسسك بالألم ولما حس بالألم ماقدرش يكمل
انا بكره التناقض والمشكلة ان كلام الناس بأنه يلعب من يومين مثلا يعني مالحقوش يغيروا قناعتهم .... بس للأسف دي أفة العصر
ربنا يشفيه ويرجع يلعب لأنه الافضل في المركز ده 6 وسط الموجودين .
