تحدث محمود الاسيوطى مالك نادى لافيينا الحالي ومالك نادى الاسيوطى السابق "بيراميدز حالياً" عن دعمه لنادى الزمالك فى ملف شركة الكرة.
حيث أكد أنه سيتواصل مع رجال أعمال زملكاوية لشراء السهم الذهبي الذي سيضمن الحفاظ على هوية الزمالك.
وعبر صفحته الشخصية على موقع التواصل الاجتماعى فيس بوك كتب محمود الاسيوطى :
لن نترك نادي الزمالك في مهب الريح...
وسنتواصل مع أساطير ورجال الأعمال الزملكاوية لشراء السهم الذهبي لشركة الزمالك، ويكون توزيع الحصص كالآتي:
49% نادي الزمالك
49% المستثمرين أياً كانت جنسياتهم
2% السهم الذهبي
السهم الذهبي ده هو اللي هيضمن الحفاظ على هوية نادي الزمالك، وفي نفس الوقت هيطمن المستثمرين إنه مفيش أي مجالس إدارة هتعرقل قراراتهم لصالح الاستثمارات اللي بتعود على فريق الكرة.
احنا مش بنبيع الزمالك، احنا بنحميه.
الشركة هتدير فريق الكرة بس، بضوابط، وبشفافية، وبلعب مالي نظيف، عشان نحول نادي الزمالك لنادي يضاهي الأندية العالمية.
