علق الناقد الرياضى محمد الجبالي، على البيان الاخير لمجلس اداره النادى برئاسه حسين لبيب.
ونشر عبر حسابه الرسمى على موقع التواصل الاجتماعى "فيس بوك":
وكتب: لسه شايف بيان الزمالك اللي صدر بالأمس بعد اجتماع مجلس الإدارة …
استغربت جداً من أخر فقرتين في البيان .. أول مره نشوف بيان صادر من المجلس بيشكر ناس في المجلس علشان حاجة عملوها … واشمعنى دلوقتي .. وليه ؟ ما فيه ناس كتير جداً بتتبرع وبتتحمل حاجات كتير في السر ومحدش يعرف عنها حاجة ولا شوفنا حد بيشكرهم في بيان رسمي
هو محدش قالكم حاجة على الناس اللي ممشيه قطاع الناشئين بالجهود الذاتيه وبالمساهمات الشخصية .. علشان الدنيا تمشي دون تحمل النادي أي أعباء ماليه … دا عم صبحي لوحده بيقاتل علشان الدنيا تمشي بالستر في القطاع ..!!
** ما ممدوح عباس تكفل بمعسكر الفريق قبل لقاء القمة ودفع مبلغ كبير بالدولار من مستحقات سامسون ..
ما فيه عضوين من المجلس تبرعوا بحاجات كتير " أدوات تدريب وملعب " لفرق السلة والطائرة خلال الفترة اللي فاتت ..
** ما اللي واخد محلات " تاي هاوس " بيتبرع وبيشيل حاجات كتير وبيقرض النادي برضوه !!
** ما اللي ماسك السباحة كان اتبرع بمبلغ كبير ..!!
نقول كمان .. والله الأمثلة كثيرة جداً .. لكن المسطرة مش واحدة … ولما بنعرف حاجة الناس بتقولنا بلاش والنبي حد يعرف …!!
… ولا شكلها كده بداية لتجهيز ناس بعينها " إعلامياً " للدخول في شركة الكرة ..!!