دخل مرتضى منصور رئيس الزمالك فى مشادة حامية مع الإعلامى خالد الغندور على الهواء فى برنامج مصر الجديدة الذى يقدمه الإعلامى معتز الدمرداش على الحياة 2.
وتعجب الغندور من منع مرتضى التعامل مع برنامجه نظرًا لسماحه بإجراء مداخلة مع أحد أفراد الوايت نايتس فى حلقة الأمس، وقال مرتضى للغندور: "أى إعلامى هيتعامل مع البلطجية دول مش هنتعامل معاه"، فرد الغندور: "أنا اتعاملت مهنيًا وأى حد ليه حق الرد وانت اللى زعلك إنى جبت شريف حبيب رئيس المقاولون".
وهنا رد مرتضى: "حق الرد إيه انت بتقارنى أنا بعيل بلطجى، وبعدين ماهو هانى شكرى اللى كلم الناس فى القناة بتاعتك علشان يعملوا مداخلة مع العيال دى"، وهنا قال الغندور: "وانت بتسجل للناس ليه؟"، ثم قال مرتضى: "وانت مالك انت إنت هتحاسبنى إنت مين انت يابنى"، فرد بندق: "هو انت عاوز تنتقد الناس ومحدش ينتقدك ؟، وبعدين ماحدث فى الزمالك بلطجة لكن المتهم برئ حتى تثبت إدانته"، وهو ماسخر منه مرتضى وتم إنهاء المكالمة.
