خرج اللاعب احمد رفعت صانع ألعاب انبى المعار من الزمالك بتصريحات جديدة عقب مباراة الأهلى وانبى التى تعرض فيها للطرد.
رفعت حرص عبر انستجرام على وصف ما حدث بشكل مفصل وتعجب من جديد من قرار الطرد
وكتب رفعت عبر انستجرام قائلا: في البدايه انا بشكر زمايلي علي ماتش النهارده والجهاز الفني ومدربي وعلي مساندتهم لي طول الفتره اللي فاتت. تاني حاجه انا لازم اوضح الحوار اللي دار بيني وبين الحكم علشان الاجتهادات اللي ملهاش معني. انا بتكلم مع الحكم وبقوله الكره فاول لازم تحسبها انت عمال تحسب فاولات كتير علينا قالي مش شغلك قولته لا شغلي انا اللي بلعب راح مديني انذار. كابتن علي ماهر عنفني وقالي روح اعتذز له فروحت طبطبت عليه وقلتله معلش ياكابتن هايل بالظبط كده راح طاردني ف بقولو ليه قالي مطبطبش عليه. ده بالحرف الحوار اللي دار بيني وبين الحكم. في ناس بتقول اني بقول كده بسخريه هو اصلا ماكنش شايفني كان بيكتب الانذار ومش باصيصلي في متهيالي ميقدرش يفرق دي سخريه ولا لا.
كان الأهلى قد فاز بهدفين لهدف أمام انبى الليلة ، وألغى الحكم هدف صحيح لانبى فى الدقائق الأخيرة كانت كفيلة بخروج المباراة بالتعادل ، بجانب أن أحد هدفى الأهلى فى الأساس من لمسة يد
