أشاد الشاعر والكاتب الأهلاوى أيمن بهجت قمر بمساندة جماهير الزمالك له خلال الفترات القادمة على خلفية تعرضه للهجوم من جماهير الأهلى.
حيث كان قد تعرض الى هجوم من جماهير الأهلى بسبب تعاقده مع هيئة الترفيه التي يرأسها تركى آل الشيخ مالك نادى بيراميدز.
وكتب خالد قمر على تويتر قائلا "من عجايب القدر او بمعنى اصح من جدعنة المصريين في مشكلتي مع بعض المتعصبين من جماهير الاهلي اللي هاجموني وشتموني على مدار اسبوعين بسبب تعاقدي مع هيئة الترفيه اللي بيمثلها صديقي المستشار تركي ال الشيخ اللي بكن له كل احترام زي بالظبط ما بكن كل احترام وتقدير للكابتن محمود الخطيب اللي عمري ما اتخيل ان حد يتخيل اني اسئ له او لناديه الاهلي اللي بشجعه من وانا طفل واي كلام اتقال ظلم وافترى وتلفيق وجوجل موجود.
وأضاف ايضا "ارجع للنقطه الاساسيه ان جماهير الزمالك وقفوا جنبي وبقوا بيقولوا لهم ده اهلاوي بتهاجموه ازاي ! وكانوا سند بصراحه ، عشان كده انا خدت عهد على نفسي اني بعد كده برغم تشجيعي للاهلي وعشقي له هراعي مشاعر اي مشجع زملكاوي صديق او غريب وعمري ما هنسى لهم وقفتهم جنبي وحقيقي محبتهم في قلبي زي بالظبط محبتي لجمهور الاهلي بس الجمهور الواعي اللي بيقرا ويفهم ويقيم مع كامل احترامي لجماهير مصر كلها
