كشف عبد الحليم علي نجم نادي الزمالك الأسبق والهداف التاريخي، مفاجأة بشأن رحيله عن القلعة البيضاء واعلان اعتزاله لكرة القدم.
وقال "عبد الحليم علي" في لقاء عبر قناة "تايم سبورت" : رحيلى عن الزمالك لسه مأثرة فيا، أنا طلبت منهم ألعب سنة واحدة كمان وأعلن إعتزالى بعدها وسط الجمهور ويبقى شىء من التكريم لمشوارى مع النادى لكن القرار كان واضح خلاص دورك أنتهى.
وأضاف، فى أخر تدريب المدرب عمل تقسيمة 22 لاعب وطلعنى أنا أتمرن لوحدى وانا بلف الملعب صعبت عليا نفسى قعدت فى ركن لوحدى وبكيت وقولتلهم خلاص أعتزلت، مع علمي بأن هناك أشخاص مسئولين عن اعتزالي سواء لاعبين أو في الجهاز الفني.
وواصل، مصر المقاصة والاتحاد السكندري و 4 فرق بالدوري طلبو التعاقد معي بمبلغ مالي كبير قبل غلق باب القيد بساعة، لكن أنا مقدرتش أتخيل نفسى بلعب لنادى تانى.
وأتم الهداف التاريخي للزمالك، أنا كنت عاوزهم يخلونى بس فى النادى حتى لو هشتغل على بوابة النادى، أنا بحب النادى ده وبحس نفسى مولود فيه وإنتمائى لبلدى ".
