شهدت الساعات الماضية، أزمة بين اللاعب محمود حسن لاعب نادي الزمالك، وأمير مرتضى منصور المشرف العام على فريق الكرة، وذلك عقب اعلان رحيل اللاعب من صفوف الأبيض.
وقال "محمود حسن عبر حسابه الشخصي بموقع التواصل الاجتماعي "فيس بوك" : حابب أوضح حاجه لجماهير نادي الزمالك.
انا اتصابت يوم 26-6 في مُعسكر اكتوبر ، وفضلت شهرين في موضوع الورق وبنخلص الحاجه و الكلام ده وعملت العملية يوم 22-8-2019 الحمدلله ، رغم ان مجلس الادارة يعلم بوافاة ولدتي يوم العملية وظروفي بعد ما عملت العملية ، وبعد ما رجعت من المانيا طلعت عشان اشكر " سيادة المستشار " ف لقيت كاميرات واطلب مني اني اعمل فيديو اشكر فيه مجلس الادارة و النادي علي العملية ومصاريفها وعملت الفيديو وشكرت النادي اللي خيره عليا.
وأضاف، بعد ما عملت الفيديو " أ. امير مرتضي " قالي انت مش علي ذمة النادي ، بعد ما لعبت في النادي 17 سنه ، العب يا محمود حاضر اتصعد يا محمود حاضر اطلع بره الاسكور حاضر ، ومكنتش بقدر افتح بوقي عشان خاطر النادي اللي اتربيت فيه واترفضلي 7 اعارات الموسم اللي فات ، ومردتش اتكلم وساكت عشان خاطر انا ابن النادي واهم حاجه استقرار النادي آولا.
وواصل، كل ده قولت يمكن ارجع تاني بعد ما اخلص الجلسات ، النهارده " أ. احمد مرتضي " كلمني بيقولي انت مش هينفع تاخد فلوس عشان انت مش علي ذمة النادي ، والحاجه الوحيده اللي نقدر نساعدك فيها ان نوديك فرقة لما ترجع في شهر واحد ، وانا كنت ماضي خمس سنين عدي سنتين وكده لسه فاضل في عقدي 3 سنين ، وحتي النادي مدانيش السنه اللي اتصابت فيها ، والنهارده تم الاستغناء عني رسمي. شكرًا نادي الزمالك.
ورد أمير مرتضى على اللاعب قائلا، النادي مستغناش عنك يا كابتن محمود لكن مسابقة ال ٩٧ اتلغت و اصبح لاعيبها فوق السن و بالتالي انت و كماتشو و منصف مشيتوا لأن القايمة اتقفلت .. ورغم كدة النادي سفرك المانيا مع طبيب من الفريق الاول فضل مرافق ليك لحد ما رجعت و النادي اتكفل بمصاريف العملية و السفر و العلاج رغم علمنا بإلغاء المسابقة ٩٧.
وأضاف، بالنسبة لعقدك السنة اللي فاتت انت خدته و مكافأت الفريق الاول برضه خدتها .. و لما سألتني على فلوس السنة القادمة وقولتلي انا ايه وضعي قولتلك في مشكلة في الادارة القانونية ان انت بقيت لاعب حر و مش مقيد فا مش عارفين يطلعوا فلوس للاعب مش على قوة النادي وده نفس الوضع لكماتشو و منصف وقولتلك مصاريف العلاج و التأهيل لحد ما تقف على رجلك و تلعب النادي هيتحملها و قولتلك اهم حاجة تخف و ترجع تلعب و احنا هنساعدك و نجيبلك نادي و ان شاء الله تكسر الدنيا و ترجع احسن من الاول.. والله يا محمود لو ليك حق هتاخده وان شاء الله منتظرك في النادي و نحل مشكلتك
كما تتدخل أحمد زاهر المدير الإداري للفريق وكتب غبر صفحته ،عايز اقول رأيي فى موضوع محمود حسن بصراحه والله العظيم انا عمرى ما بتكلم على لاعيب فى النادى بعتبرهم كلهم اخواتى بس الكلام لما يبقا مغلوط لازم توضيح هو محمود حسن اتصاب مع النادى و اول ما اتصاب اتوعد انه يسافر المانيا و فعلا اول ما اجراءات السفر خلصت سافر و معاه دكتور الفريق.
وأضاف، لما رجع و اخدنا كاس مصر الجهاز الادارى هو اللى كلمه عشان ياخد مكافات و ده حقه و السنه اللى فاتت كان مش مقيد افريقيا و اخد كل مكافات زيه زى الاعبين و اتحدى نادى بيعمل كده و بالنسبه لموضوع الاعاره السنه اللى فاتت انت جالك بتروجيت و لما الجهاز اتغير فى بتروجيت متكلموش مع النادى و انت السنه اللى فاتت ملعبتش خالص فالطبيعى لو انت سليم مفيش اى لاعب من فرقتك اتقيد مع الدرجه الاولى فا مش عايزك تدخل موضوع الاصابه فى القيد و نصيحه منى و انت عارف انى بحبك راجع نفسك فى كلامك على النادى
