حرص أحمد عيد عبد الملك نجم نادي الزمالك الأسبق، والمدير الفني لجولدي، التعليق على إداء الفريق الكروي بالقلعة البيضاء بقيادة الصربي ميتشو.
ونشر "عيد" عبر حسابه الشخصي بموقع التواصل الاجتماعي "فيس بوك" : خلينا نتكلم كفنيين مشكلة الزمالك جزء كبير منها شخصية مدرب اكيد والجزء التاني شخصية لاعيبة.
وأضاف، يعني اما تيجي تدافع وراس الحربة بتاعك بيضغط عند ال١٨ بتاع فريق الخصم لازم يكون المدافعين بتوعك علي نص ملعبك مش عند ال ١٨ بتاعك وتضغط وحدة واحدة حتي لو معندكش لاعيبة بتدافع كويس.
وواصل، هتضيق مساحة اللعب علي الخصم وهتبقي قريب من جول الخصم وبعيد عن جولك لو مش قادر تعمل ده يبقي كل اللاعيبة تحت الكورة وده لازم يقراه المدرب ويتعامل معاه ويكون عندك اوراق برة تنفذ الكونتر اتاك علي الاطراف لو هتلعب الكل تحت الكورة.
وأتم، مع العلم انا عمري ما كنت مقتنع باوباما طرف ملعب عندك اوراق كتير تقدر تستخدمها متقفلش دايرة اللاعيبة علي ٣ او ٤ هافات وتموت الباقي انا لو مدرب هحط بن شرقي مركز ١٠ وبعد كدة هدور علي الي حواليه .. الكورة في رجله شكلها حلو.. بالمناسبة في واحدة بيتريق علي لاعيبة دولية بيقولك معملوش نقلتين وهو ملعبش ماتشين دولي.
