علق أمير مرتضى منصور المشرف العام على فريق الكرة بنادى الزمالك على موضوع تعديل عقود اللاعبين .
وقال أمير فى تصريحات تلفزيونيه له : عشان نقفل الموضوع دا لانها بقت حاجه سلبيه جدا ،،الناس متخيلة إن النادي مجبر على تعديل عقد اللاعب كل سنة أو لو جاله عرض النادي مضطر لتعديل عقده ،، ودا مش حقيقى .
وواصل : احنا بنتعاقد مع لاعب لمدة 4 سنين أو 5 سنين ، بنكون عارفين احتياجتنا منه إيه، واللاعب بيفضل على قوة النادي وتحت أمر النادي حتى نهاية عقده.
وأضاف : لما النادي بيحس في وقت من الأوقات ومن مبدأ العدالة إن هناك لاعب قيمته المادية يجب تعديلها، نقوم بتعديل عقده ، دون أن يطلب.
وتابع : على سبيل المثال محمود علاء جاي الزمالك وهو نجم، لكن مثلًا محمد عبدالغني، تم التعاقد معه من نادي درجة ثانية، لما يشارك ويكون أساسي ، ويضبح عقده لا يتناسب مع باقي زملائه ده عنده الأولوية لتعديل عقده، رغم إن عقده مثلا ما زال فيه 4 مواسم متبقيه.
واكمل أمير تصريحاته : هناك لاعبين عقودهم كبيرة بالفعل، ويتم تعديل عقودهم لأنها بتكون رسالة لباقي اللاعبين.
وأعطى أمير مثالاً بطارق حامد قائلا : عنده رصيد 5 سنين في النادي وبيحقق نسبة مشاركة كاملة ولا يتأخر على الفريق، وشخصية جوة وبرة الملعب، وده تكريم له.
وأشار أمير الى أن تجديد عقد طارق حامد على سبيل المثال رسالة لكل اللاعبين إن اللى هيمشي على نفس الشكل ده مش هنبخل عليه.
