وجه مصطفى يونس لاعب النادى الاهلى الاسبق انتقاد الى حسام عاشور وموقفه من البقاء على دكة البدلاء لمدة موسمين وانتظار قرار الأهلي الصادم برحيله .
وقال يونس في تصريحات له : أنا بجد مش عايز أجى على حسام عاشور، هو لاعب كبير وله تاريخ كبير لكنه مسئول عن الوضع اللى هو فيه.
واوضح : هو اللي قبل يقعد سنتين على الدكة، كنت أتمنى يعمل زي لما قالولي فى الاهلى هتقعد دكة قولتلهم سلامم عليكم.
وتابع : ليس معنى هذا أنى لا ألوم مجلس إدارة الأهلي، القرار خاطئ وطريقة تنفيذه تفتقد للاحترافية مش عاشور اللي يتعامل بالشكل ده.
وواصل : فيه حاجه اسمها لاعب عادي وفيه لاعب نجم، وفيه ابن نادي وفيه لاعب دخيل عليه ولازم أفرق في المعاملة بين النجوم واللاعبين العاديين.
وأتم : كنت أتمنى إبلاغ حسام عاشور منذ بداية الموسم ، وترك حرية الاختيار له أما الاعتزال أو البحث عن محطة ونادى جديد .
