تحدث سمير كمونة لاعب النادى الاهلى الاسبق عن رأيه فى صالح جمعه وبقائه فى الاهلى حتى الان رغم عدم مشاركته مع الاهلى .
وابدى كمونه استغرابه من بقاء صالح جمعة داخل النادى حتى الآن.
وقال كمونة فى تصريحات له : مشكلة صالح جمعة أنه لا يعرف ماذا يريد، ،،لا عايز يتمرن ولا ياخد فلوس ولا يسافر ولا يحترف.
وتابع : عايزين نسأله أنت عايز إيه، انت اتعمل معاك كل حاجه ممكن تتعمل مع لاعب .
وأضاف كمونه : انت لا عايز تلعب ولا عايز تلتزم ولا عارف انت عايز ايه .
وأكمل : على الأهلى والإدارة أن يتخذوا موقف ضد اللاعب كفاية طبطبة ودلع ، أنت عملت إيه للأهلي، علشان يستحملوك .
وواصل حديثه لادارة الاهلى قائلا : يعنى تقعد صالح جمعة وتمشى حسام عاشور وأحمد فتحى، هو هيجى أحسن من مين يعنى لاعب ما بيأديش وقاعد ليه.
وتبقى كلمة : التمسك بصالح جمعه مش علشان هو لاعب جيد ولا علشان هو ممكن يبقى كويس ويفيد الفريق ، كل خوف ادارة الاهلى أنه يروح الزمالك ، لولا كدا كان زمانهم سايبين اللاعب يمشى من زمان .