كشف أحمد عيد عبد الملك نجم الزمالك الأسبق، عن موقفه من عودة بطولة الدوري المصري العام، وذلك في ظل استمرار انتشار فيروس كورونا المستجد.
ونشر "عيد" عبر صفحته الشخصية بموقع التواصل الاجتماعي "فيسبوك" : اتمني عودة النشاط الرياضي طبعاً مش من اجل عيون اللاعيبة والاجهزة الفنية وخلافه لا لعودة الحياة للناس الي شغالة في المجال وحالياً مش لاقين ياكلو بجد.
وأضاف : والله حالتهم تصعب علي اي حد ولاعيبة الدرجة التانية والتالتة والاندية بتديهم الجنيه بطلوع الروح ليهم بيوت فاتحينها بجد ربنا يصبرهم ،، وموضوع عودة الدوري والخناقة الي شغالة من إلغاء او استمرار ده هيرجع لموقف الاندية وعودة محترفينهم.
وواصل : ولو رجع مش قبل شهر ٨ والموسم الجديد هيتأخر كتير بتمني رجوع الدوري مع وجود كل وسائل الحماية للناس كلها ومحدش يخلي مسؤليته ومتوقع رفض معظم الاندية لعودة الدوري وهنشوف خناقات تاني.
