انتقد حارس مرمى الاهلى الاسبق، والاعلامى الحالى أحمد شوبير تأخر مسؤلو الاسماعيلي فى قبول استئناف مباريات الدورى.
وقال: "بجد سؤالى لإدارة الإسماعيلى ليه حضرتك اتأخرت كل ده، كنت عايز تنسحب محدش يقدر ينسحب من المسابقة المحلية إحنا فى دولة وفيها نظام".
وأضاف: "ليه ضيعتوا وقت طويل حوالى أسبوع أو 10 أيام رغم أنكم طالبتم بزيادة فترة الإعداد ورغم ذلك كنت آخر ناس هتبدأ مع الزمالك ومش فاهم ليه".
وتابع: "أنا من محبى الإسماعيلى، هو النادى المفضل لى بعد الأهلى بحب أتفرج عليه من زمان لأنه نادى جماهيرى وأدخل الفرحة على قلوبنا على المستوى القارى لأول مرة".
وأكمل: " وعنده نجوم كبيرة وجميلة مثل أبو جريشة وبازوكا وحسن مختار وميمى دراويش والسناوى وريعو والسقا، ولكن لا تعجبنى القرارات الفردية التى ينفرد بها رئيس النادى".
وأشار: "أكثر حاجة بتميز الأهلى هى العمل المؤسسى، كلهم نجوم من أول الخطيب لأصغر عضو مجلس ادارة، معندهمش حد مش نجم".
